Yahoo為食家 - 全港唯一！素食supermarket

全港唯一素食超市，由食素20年的Gordon成立，位於葵涌廠廈。

門口簡潔，印上哲學家Albert Schweitzer 的語錄。

貨品超過300多款，但見貨架仍有空位，Gordon說會不停入貨，選擇愈多愈好。

意大利青醬(pesto sauce) $45.5/樽(420g)。醬料是他們強項，主要是台灣貨，優勝點是成份全部寫得清楚。

沙茶醬 $17.8樽(大)。是超市最好賣貨品，台灣貨。炒餸，涼伴，蘸食物，非常百搭。

香菇粒調味料 $148/包(500g)。代替味精，最啱加入湯底。

菇菇部屋 鮮菇片 $45.5/盒。菇味香，不算鹹，雖然無吃慣的零食般惹味，但就健康得多。

咖哩素燒包 $21.7/包。由營養師設計的即食咖哩包，信得過。

素食者普遍喜歡煮幾味，奈何市面上集中賣素食材的地方不多，要買齊心水就得花點腳骨力。
好消息是月前在葵涌廠廈，終於找到全港首間素食超市，冷貨乾貨超過300多款。最重要的，是入貨者兼老闆Gordon本身已茹素20年，清楚素食材的優劣。

超市 因為一個夢
人人食素都有個故仔，Gordon那個，源自家人一個夢：
「我細細個係標準食肉獸，最愛海鮮。然後有一陣子，媽咪連續六日發同一個夢，夢裡面有把聲同佢重覆講同一番佛偈，但聽得唔太清楚。之後有一日，佢蒸好一條魚後，發現自已突然唔想食。自此屋企開始食素，我都慢慢跟住食，至今20年。」
一直幫家族從事紡織生意的他，同時不忘推廣素食。

產品有認証
現時店內的乾貨(零食、醬料、飲品、飯麵類)由台灣入口，冷貨(素雞鴨、鵝、素海鮮、素丸) 則主要來自馬來西亞，專揀有認証的貨品。
「素食者最關心成份，自稱健康的食品，有任何認可嗎？素醬料的成份可靠嗎？」Gordon說。
超過一半貨品都由他親身瞭解過才入，像採訪當日，員工們正在吃「素火鍋」！試食一批「素丸」，為冬天作準備。
惟地點在葵涌廠廈，素友們最好一次入多點貨！

甘薯葉 (Batata Greens)
地址：葵涌大連排道35 – 41號金基工業大廈8樓
電話：2485 3423
營業時間：星期一至六9am – 7pm